{ गर्भातील मुलीचे काही अनुत्तरीत प्रश्न }

 

     { गर्भातील मुलीचे काही अनुत्तरीत प्रश्न  }     

     

 

 स्वामी तिन्ही जगाचा, आईविना भिकारी, 
प्रेमिकेसाठी घेतो प्रियकर, उंच उंच भरारी, 
मग सांगा, ताईविना दादा अन मुलीविना पालक, 
हि कहाणी नाही का अधुरी.........  ? 

 

 

बाबांसाठी मुलगी असते स्वप्नातली परी, 
लेकच हवी हा आग्रह कोणी न धरी, 
जिवंत स्त्री गर्भाचा जन्मापूर्वी अंत करी, 
मग सांगा, राक्षसच नांदतो ना यांच्या अंतरी.........  ? 

 

 

जन्म घेतला जिच्या पदरी, 
ती एक मुलगीच, हे हि तो विसरी, 
वंशाचा दिवा हवा आहे दारी, 
मग सांगा, फक्त एका मुलासाठी, 
आणखी किती लेकी धाडणार देवाघरी........  ? 

 

 

मुलगी असते धनाची पेटी, 
प्रकाश देणारी जीवन ज्योती, 
मुलागीशिवाय समाजाची होईल का हो प्रगती, 
मग सांगा, कधी मिटणार हि भेदभावाची दरी........ ? 

 

राज  सोनगिरे ******